تدرون ان العايله نعمه چبيره من نعم الله علينا ….

بس ليش في بشر ماتقدر هالشي وعادي عندهم ماشوفون اهلهم بالايام والاسابيع لالالالا شنو اكثر من جذي بالاشهر ويمكن بالسنين ،،،،

والسبب شنو !!!!!

مشغولين ، مو فاضين ، مانقدر ، الحياه تلاهي ، وغيره وغيره وغيره ….

ليش بعض البشر العايله عندهم موضوع مو مهم ،،،،، ليش مافي رحمة بقلوبهم صوب اهلهم لالالا صوب انفسهم هما بعد ،،،،

معقوله الحياه والمشاغل خلت بعض البشر ما يراعون قلب الام وقلب الابو شلون يتعور لمن عيالهم ما يونهم ولا يزورونهم ولا ينشدون عنهم ،،،،

هذا شنو اسمه ؟

عقوق ، جبروت ، طغيان ، تكبر ،

انتوا وووين رايحين ؟؟

( العايله )

نعمه چبيره لا تتركونها وتروحون ،،،

حرام الي صاير مع بعض البشر ،،،،،

شلون لهم قلب ينامون الليل و مافي بقلبوبهم رحمة ،،،،

لساني لسان اي ام واي ابو عانوا ومازالوا يعانون من جحود عيالهم ،،،،

بسنا بسنا تعبنا من البعد والمجاملات الفاضيه وتأدية الواجب فقط لاغير ،،،

تبي تزور اهلك تعال بحب ، بطيبه ، بحنيه ، بحبابه ،،،

امك وابوك مو محتاجين مجاملات ،،،

محتاجين حب حب حب حب حب ،،،،،

بعض البشر ياريت تفهمون ان الدنيا فانيه والحساب والعقاب فوووق فوووق بيوم ماتقدر ترجع للدنيا مره ثانيه ولو دقيقه وحده و دبّخ امك و ابوك وتقولهم سامحوني ،،،،

بكون الوقت فااااات وساعتها نقول لو فات الفوت ما ينفع الصوت ،،،،

رجعوا لضميركم وحاولوا تقعدونه ترى الايام تمشي بسررررعه وما تقدر تمسكها ولا تقدر ترجّع الي راح ،،،،،،

يا ابونا و امنا يا سند بيت الهنا ،،،،،،،،،

نحبكم واااااايد واااااايد ،،،

مع تحيات ولد باااارد وحب اهله وااااايد ،،،،،.

أنس قطينة